Teenta teacher para sexually assault kurishey Mumbai laga ekta chukri ke

Mumbai, Sep 29: Ekta 13-year-old chukri ke sexually assault kurishey multiple times tai laga teenta tuition teachers para, police para koishey. Duita accused ke arrest kurishey aro ekta ke dhuriwoley baki ase. Police laga according, accused – Gautam, Tarun  Rajpurohit aro Satya Raj – para chukri ke sexually assault kurina, tai laga explicit images aro videos kan bi dikhaishey. Gautam aro Tarun Rajpurohit ke September 28 deh arrest kurishey aro taikan till Monday tak custody deh rakhiwo. Efforts kan chuli ase Satya Raj ke arrest kuriwoley. Ekta police official para koishey, “Taikan para repeat repeat kurishey, tai laga amma toh complaint file kuriwoley, reluctant thakishey, hoilibi counselor para chukri ke convince kuriwoley lagishey. Moikan para chukri laga statement ke record kurishey. Accused para taikey bedroom laga bitor deh loi jaina inappropriate aro explicit images aro videos kan dhikaishey.” Police laga according, accused para multiple times etu act commit kurishey, aro chukri laga vulnerable situation ke advantage loishey, chukri laga ghor deh lack of male laga presence aro tai laga parents kan laga divorce para, chukri laga vulnerable situation laga advantage loishey. Accused ke under section 345 (assault/criminal force with intent to outrage modesty), 376 (2) (rape), 377 (unnatural sex) aro 12, 4, 8 of the Pocso Act.