NSCN / GPRN para 170 member khan ke induct kurishey

September 29, 2024, 05:00 PM : Itu GPRN/ NSCN faction, N Kitovi Zhimomi para chulai jawa laga, tai khan laga second batch kosom khawa laga ceremony loishey, Saturday tey, kotey 170 member khan alag alag faction khan laga aru notun recruit khan ke official para induct kurishey, itu group tey. Itu jama kuria manu khan ke address kuri kena, Zhimomi para khata para itu Naga laga plebiscite laga kotha kurishey, yaad dilai kena ki, Naga khan para toh hoiley tai khan laga independence toh 14^th August, 1947 tey para declare kuria laga thakishey, sovereignty karney desire kuri kena. Itu decision ke legitimize kuriboley, ekta plebiscite toh hoiley loishey, May 16, 1951 tey, kotey 99% laga Naga manu khan itu independence laga favor tey vote kurishey, tai para koishey, note kuri kena ki, bishi Naga youth khan toh underground movement ke join kurishey, Naga laga sovereignty ke fight kuriboley karney, itu homoi tey. Zhimomi para itu turbulent saal khan laga yaad kurishey, 1951 aru 1961 majetey laga, kitya hazar hazar Indian troop khan toh Nagaland tey deploy kurishey, itu Naga manu khan ke bishi dikdari di kena. Tai para itu 16 Point Agreement laga opor tey bhi kotha kurishey, kuntu para toh hoiley Nagaland toh statehood tey attain kuri kena, relative peace usher kuri kena. Eneka thakilebi Zhimomi para itu agreement ke criticize kurishey, itu Naga People’s Convention (NPC) para sign kuria laga, underground laga leader khan ke involve nakuri kena, kun khan toh hoiley sovereign nation karney fight kuri asey.