October 01, 2024, 06:05 PM : Itu International Coffee Day laga occasion tey, Land Resources laga Directorate para ekta event organize kurishey, itu ‘Collaboration for a better tomorrow’ under tey, itu Kohima laga office conference hall tey para, 1st October, 2024 tey.
Advisor, Land Resources, G. Ikuto Zhimomi para tai laga message koi thaki kena, Nagaland laga coffee toh promote kuriboley emphasize kurishey, itu district khan pura tey, café khan aru coffee bar khan banai kena, world class coffee offer kuri kena, reasonable daam tey para.
Commissioner & Secretary, Land Resources, Kevekha Kevin Zehol para keynote address deliver kuri kena koishey, Nagaland toh hoiley fortunate asey kiley koiley coffee laga gaas toh hoiley itu state laga sob jaga khan tey ulaboley pari jai, koi kena koishey. Tai para koishey Nagaland tey perfect mati asey itu coffee laga gaas toh dhaliboley laga.
Wokha laga Coffee dhali thaka manu – Yanthungo para tai laga experience share kurishey, tai para koishey ki, poila poila toh eku market khan thaka nai, hoielbi 2008 para itu Land Resources Department para coffee plantation toh promote kuria shuru hoishey. Tai para koishey, farmer khan toh hoiley coffee dhala shuru hoishey, itu department para mon dangor kuri diya pichetey, tai khan laga ghor laga darwaza tey para hey coffee lag aguti khan ani di kena, free para farmer khan ke di di-kena. Tai para itu department ke machinery aru market linkage khan bhi provide kuriboley appeal kurishey, itu Nagaland laga coffee kheti kuria manu khan karney.
Add Comment