Israel-Lebanon te jakara

Israel, 1 Oct: Israel laka army khan koishey ki taikhan south Lebanon ke hamla kura toh hawajahas aro pondok  pra motot di ase. Taikhan military group Hezbollah te hamla kuri ase. Border la osor te ekta bosti te ase. Tuesday din te Israel- Hezbollah la jakara toh aro dangor hoishey. Israel military khan koishey taikhan la manu khan southern Lebanon bosti te ground raid kura shuru hoishe. Israel la military janai dishey taikhan Lebanon la military group Hezbollah ke airstrike aro artillery pra mari ase. Etu b Israel la border osor la bosti te. Israeli la attack Hezbollah la leader Hassan Nasrallah mura pichideh aro bishi uthi ase. Israel Defense Force (IDF)  Tuesday te koishey ki political echelon la hisap pra IDF khan raid kurishey Hezbollah terrorist  aro taila building khan south Lebanon te. Taikhan la targets khan toh border la osor te ase aro etu nimite Israeli la manu khan ke b danger ase . IDF pra janai dishey. Prime Minister Benjamin Netanyahu Monday te koishey taikhan b zinda tahkibo karne war te ase. Ekilot kam kurina taikhan la dushman ke harai dibo. Taikhan la manu toh lion nishina uthibo hoileh Israel la toh nahubo . Rosh Hashana la eve din te etu koishey.