October 3, 2024: Directorate of Economics & Statistics, Kohima laka Conference Hall deh ekta State-Level-Inter-Departmental Coordination Committee (IDCC) meeting lui shae, 3rd October 2024 din deh. Meeting para birth aro deaths laka registration deh taka key issues kan keh address kuri shae. Meeting deh Civil Registration System (CRS) bhal kuri bole laka kotha b kuri shae.Nagaland deh taka Registration CentresMarch 31, 2024 din para, Nagaland tho 1,471 registration centers keh operate kureh. Tateh 1,439 tho rural jaka deh located ase aro 32 tho urban jaka deh ase. Rural jaka kan deh, sob recognized kura bosti kan lokot deh ekta registration unit ase, kuto Government Primary School laka Head teacher para manage kureh. Tai tho Birth aro Deaths karne Registrar laka kam kureh. Etu laka upor deh, registration units kan Primary health Centers (PHCs) aro Community Health Centers (CHCs) deh present ase.12th IDCC Meeting deh kotha kura key Agenda Points kan tho etu kan taki shae:Births aro Deaths laka delayed registration: State laka high share, kuto delayed bvirths registration deh taki shae, eti tho ekta focal point taki shae, meeting deh. Meeting para delayed registrations aro necessary documentary proof keh streamline kuri bole lakeh kui nah address kuri shae.Birth aro Deaths registration laka sensitization: Registered births aro deaths kan uthi nah b, improvement karne jaka itia b bishi ase. Educational institutions, medical centers, village development boards (VDBs), aro Anganwadi center para aha stakeholders kan keh timely registration laka awareness tho uthai di b kui nah janai di shae.Block Level deh training: Meeting para CRS functionaries kan karne seminar-cum-training sessions lakeh kui nah emphasize kuri shae, taikan laka roles aro functionaries keh bujai dibo karne.Births aro deatjs laka online registration: Office of the Registrar General of India (ORGI) laka pitor deh inline registration portal kuli nah, IDCC para CRS functionaries kan smartphones, computers aro internet access lakeh kui shae, bhal para implement kuri bo karne. Reporting laka system: Itia reporting system deh kulti kan taka karne ORGI kan phat reports napai kui nah janai shae, meeting para. Registrars kan taikan laka reports tho, District Economics & Statistic Office keh pat abo lakeh, hoile b process deh improvement lakeh kui nah kotha kuri shae.Honorarium aro Incentives: Committee para Births aro Deaths laka Registrars keh honorarium aro incentives dibo leh zaruri ase kui nah kotha kuri shae, coordination aro motivation keh aro bhal kuri bo karne.Government Middle School aro high School teachers laka inclusion: Government Middle School aro High School teachers keh Registrar bana bole b proposal ekta banai shae, registration process tho aro bhal ban abo karne. Nagaland laka overall civil registration process keh bhal kuri bole kam kan kuri taki bo lakeh kui nah meeting tho kotom hui jai shae.
(Takumpula Longkumer, IA)
Add Comment