October 3, 2024: State Bank of India, Medziphema kan Medziphema Administration lokot deh milai nah, ‘Customer Connect Program’ deh ekta workshop conduct kuri shae, state government Employees kan karne. Etu workshop tho 3rd October 2024 din deh lui shae, City Center Medziphema, Chumoukedima jaka deh.EAC Medziphema, Vithwel Kweho para taila kushi tho janai di shae, workshop para employees kan bishi lab pai shae kui nah, Tai para enaka nishi nah piche deh aro workshop kan taki bole karne aro encourage kuri shae. Manager Financial Inclusion, SBI RBO, Dimapur, T. Lhingneikim, aro Department Manager Medziphema, Nehriizii Pfotte para customer rights, policies, grievances redressed aro bank para lua alak alak schemes kan keh highlight kuri shae, kuto government employees kan laka lap karne lui shae.Branch Manager, Thongkholun Khongsai, SBI Medziphema para program tho banking services aro state government employees laka lab keh enhance kuri bo karne lua ase kui shae. Tai para state government employees karne salary packages amounts, features aro salary packages accounts laka lab kan highlight kuri shae.Workshop deh government employees kan para alak laka question kan hudi shae, kuteh grievances kan keh b address kuri shae. 20 laka upor government departments kan para program deh attend kuri shae aro workshop tho fruitful taki shae.
(IA Medziphema)
Add Comment