Lebanese 3oct 2024: Central Beirut te building ekta te Israel la air strike pra 5 manu muri jaishey. Tadeh pra 8 manu jokom paishe. Lebanese officials pra janai dishey.Etu dangor building toh Hezbollah laka health centre nishina thakishey. Etu building ke thik lagishey koina Israel la military khan pra koishey.
Beirut la centre te first time Israel khan hamla kuri ase. Lebanon la parliament pra khali olop metres duk ase. Dahieh la southern side te b pura rati Israel te 5 air strike ahishey.
Israel Defence Forces (IDF) khan koishey taikhan la 8 soldiers jakara te muri jaishey southern Lebanon te. Etu nimite etu hamla kurishey. Hezbollah khan lokot ground operation shuru kuri kina etu taikhan la first loss thakishe.
Hezbollah koishey taikhan Israeli tanks ke biya kuri dishey jakara kura time te . Aro koishey taikhan manu aro bunduk guli ase taikhan ke khitai dibo le.
Olop agae te IDP khan pra koishey aro soldiers ahi ase operation join kuribo nimite. Lebanese la border bosti te Terrorist la building te biya kuribo karne. Rati te nutun hamla kura toh, Daheih te tinta bomb phuta hunishey. Enika kurina fourth la toh centre te osor te thakishey.
Dahieh te aro tuia air strike kurishey. IDP pra tadeh la osor manu khan ke warning dina hamla kurishey. Taikhan koishey etu building khan toh Hezbollah laka ase. Etu jaka toh Hezbollah khan laka main base ase.
Rati la air strike nahwa agae te, Lebanon la health ministry koishey 46 manu murishey aro 85 toh jokom paishey. Etu b 24 hrs bitor te Israeli la bombing pra. Kunbo napareh soldiers khan ase na tadeh jaka la manu ase mura khan toh.
Aro jani paishe ki US la manu b Lebanon te murishey Israeli la air strike pra.
Add Comment