North Carolina 3oct 2024: Wednesday din te, thousands plus North Carolina manu khan pani nathakina bhui ase. Hurricane Helene Florida te ahina 6 days hoishey. Jaka pura biya kuri dishey. Aro 180 jun ke murai dishey.
Etu kara Storm pra state laka western jaka pura flood kuri dishey , pipes, powerplants khan biya kuri dishey. Aro current la line b kati dishey.
Online state database la hisap pra, 1million pra one-fifth manu toh pani nai. 1million ghor pura 5 state milina light natha kina bhui ase. Website Poweroutrage.us la hisap te.
Biya pra laga la jaka Asheville te, Municipal water supply system toh bishi biya pra lagishey. Taikhan 150,000 plus manu khan ke serve kuri thakishey. Manu khan ke janai dishey pani duk hubo olop din nahoileh weeks b lubo, pipes khan bana nimite. Pani taka manu khan ke boil kurina khabi koi ase.
Pack Square Park Wednesday din te , pani aro khabo le saman khan di thakishey. Tadeh manu bishi ahishey lubo leh.
12volunteers khan khaboleh pani di thakishey tanker gari pra. Aro alak volunteers khan khabo leh saman bhak kuri thakishey. Kunkun mug aro daba thakinai.
David Shobam, East Tennessee State University la professor b rukhi thakishe saman luboleh. Tai toh Friday pra pani aro light nathakina bhui ase.
North Carolina la manu han kute thaki ase etu la hisap pra pani pai ase. Dangor jaka te thaki manu khan toh water plants pra pai aro olop bosti area khan toh alak jaka pra manu khan de nahoileh nijor la well pra loi.
Pani de la jaka khan lagai na alak alak jaka te. City aro country manu b puisa dishey pani pabo nimite. Federal Emergency Management Agency khan b khabo leh pani bhak kuri ase tadeh la jaka te.
Add Comment