Anglo-Poula Dictionary (Chakeshang) Release Kurishey, Kohima Tey

October 04, 2024, 04:40 PM : Itu Anglo-Poula Dictionary, Chakhesang laga bhasa tey release kurishey, Kohima laga Art aru Cultural Department tey release kurishey, former MLA – Deo Nukhu para, October 4^th, 2024 tey.MLA & Convener, Chakheasang Poula Literature committee, Deo Nukhu para itu Anglo-Poula Dictionary (Chakheasang) release kurishey. Itu launch kuria laga program tey, Deo Nukhu para itu koishey, Language toh hoiley ekta vital role play kurey, moi khan laga cultural heritage preserve kuria tey. Language toh hoiley apni amil aga identity asey, itu nimitey, itu toh hoiley important asey, moi khan laga Language toh develop kuriboley aru preserve kuriboley. Tai para acknowledge kurishey, itu Art aru Culture Department laga role ke, Naga culture, Tradition, Art aru historical account toh ekta custodian asey koi kena. Deo para koishey ki, moi khan sob milai kena responsible asey, moi khan laga language khan preserve kuriboley, mukh para aru Literature tey para, aru akha kuri asey itu Anglo- Dictionary kuntu toh Chakhesang Poula asey itu toh hoiley moi khan laga collective identity ke enrich kuriboley asey koi kena, Naga manu hisap khan asey koi kena aru itu para modod kuriboley unique language khan preserve kuriboley, itu Naga manu khan laga.Assistant Professor Nagaland University, Dr. Imlienla Imchen para introductory note dishey, tai para koishey, itu Poula Dictionary toh hoiley scholar khan, language expert aru Art aru Culture laga Department para khotom kuri kena rakha laga kaam asey.