October 04, 2024, 05:10 PM : Itu Social Welfare aru District Nasha Mukt Bharat Abhiyan laga department para ekta awareness programme organize kurishey, drugs aru substance abuse opor tey, public aru community leader khan nimitey, itu Wokha Town Councilors, Colony Council Chairmen aru GB khan bhi milai kena, 4th October, 2024 tey, Lotha Hoho Conference hall tey para.
ADC Wokha, Renbomo Ezung para tai laga key note address kuri kena koishey, drugs aru substance toh hoiley ekta bishi serious problem asey aji moi khan laga society para face kuri thaka laga, kuntu toh hoiley manu laga mental aru physical life ekta biya kuria ekla nhoi itu para toh hoiley utu khai thaka manu laga pura family ke destroy kuri diye. Tai para koishey ki, itu issue toh hoiley bishi chinta kuriboley laga matter asey moi khan sob nimitey, kotey itu community leader khan toh haath milai kena eke logotey khara kuriboley lagi asey serious step khan loboley aru itu drug khan aru substance abuse toh pura puri rukhaboley shuru kuriboley lagey, moi khan laga society tey, aru diri nahoa agetey.
Addl. SP, Wokha, K.Soriso para drugs scenario present kuri kena state kurishey ki, olop ajikali tey para Wokha district tey, tai khan observe kuriboley parishey, drug khan use kuria manu khan bishi alarm kuria laga rate tey uthi thaka laga.
Drug aru substance laga topic related tey khata kotha khan kurishey, itu community ke sensitize kuriboley awareness conduct kuri kena, information di kena, itu treatment opor tey, public leader khan laga role khan substance abuse combat kuria laga, community involvement laga aru law enforcement logotey collaborate kuria laga, public leader khan ke empower kuri kena, present kurishey District Welfare Officer, Wokha C. James Ezung, Dy. Chief Medical Officer, Dr. Zuchamo Patton aru DAPCU (H&FW), Lichumo Odyuo para.
Add Comment