Beirut 4oct 2024: Israeli bombing karne Beirut laka international airport la bhar te dangor bomb khan phutishey. Taikhan aro rati te air strike kurishey Hezbollah ke maribo koina.
Target toh kunto toh najaneh hoileh b airport la border te Dahieh ase. Hezbollah laka base capital bitor te. Friday morning te tadeh la jaka te dhunga he dikhi thakishey.
Lebanon health ministry pra koishey Israel la ground attack or air strike pra 37 manu murishey aro 151 toh jokom paishey. Etu sop 24 hours bitor te hoishey.
Aro alak jaka te Lebanese army pra koishey taila khan lalak duita solider muri jaishey. Israel la army khan Hezbollah karne ahi time enika kurina 20 bosti toh city khan ke ghor pra olai jabi koishey.
Israel military khan bishi koi nai hoileh khali koishey ki taikhan la manu pra Hezbollah la jawan khan ke murai dishey border la osor jaka te.
Lebanese army ke biya pra duibar hamla kura b khali 2 hours dur hoina kurishey. Thursday din te.
First incident te army manu pra koishey etka solider toh muri jaishey aro ekjun toh jokom paishey. Israel army khan pra kura laka . Taikhan Taybeh bosti te Lebanese Red Cross lokot kam kura time te.
Red Cross pra koishey tai khan la volunteer b olop jokom paishey.
Second incident te toh army khan koishey taikhan la soldier aro muri jaishey. Israeli khan taikhan la Bint Jbeil jaka la amry post ke mara time te.
Add Comment