Taiwan 4oct 2024: Pingtung country hospital te jui julishey 09:40 local time te. Etu time Country la western region, Kaohsiung te Typhoon Krathon ahishey.
Taiwan te achanak incident hoishey. Southern Taiwan la ekta hospital te 9 manu jui pra julina muri jaishey. Local media khan pra janai dishey.
Ekta report hisap toh barish aro hawa nimite , emergency services khan joldi madat kuribo parinai.
BBC khan la hisap pra toh officials khan echa bisari ase kileh jui juila shuru hoishey. Hoileh Chinese State-run CGTN khan hospital authorities khan ke bodnam dishey. Hospital Building la machine room te air Compressor biya hwa Nimite he jui toh shuru hoishey.
Hsopital la jui toh mutabo nimite 3 hours toh loishey fire fighters khan pra. Taikhan osor thake military base la soldiers khan pra madat kurishey. Jokom kha manu b bishi toh bura buri khan thakishey hospitalized kurina.
Media Report la hisap pra 300 manu toh hospital pra polai jaishey aro kunba toh osor jaka khan te jai jaishey.
Chinese Administration khan b jui te 9 manu muri ja khan ke morom dikhai shey. Taiwan Affairs Office of China’ State council Thursday din te murija la ghor manu khan ke taikhan la morom aro dukhhi janai dishey.
Zhu Fenglian koishey taikhan bishi apsus ase etu accident pra. Moikhan b bishi mon bikhai na ase. Kun kun murishey aro jokom paina ase taikhan la ghor manu ke morom dikhai shey. CGTN pra janai dishey.
Add Comment