Terrorist pra 6 soldiers ke murai dishey

Islamabad, 6oct 2024: Pakistan Army khan pra koishey Saturday dinte taikhan la 6 soldiers muri jaishey. Tadeh pra high rank officer b thakishe. Terrorist khan lokot gunfight te hoishey. North Waziristan , Afghanistan ke border kura jaka te terrorist khan military convoy ke marishey. Spinwam la jaka te 6 terrorist b muri shey. Army khan pra koishey. Muri ja officer la nam toh Lieutenant Colonel Muhammad Ali Shoukat thakishey. Search or resuce operation echa b jai ase. Taikhan pra kiman jun jokom paishe kwa nai hoileh b Intelligence source khan 24 ase koishey. North Waziristan toh puila pra terrorist khan bishi hamla kureh. Pakistan aro Afghanistan la border. Purana sal te b manu khan aro security personal  khan bishi murishey etu jaka te. Aro bishi hamla b Tehreek-i-Taliban khan pra kureh. Prime Minister Sharif’s government aro Pakistani military pra koishey taikhan etu jaka la terrorism toh kina hoileh khotom kuribo aro terrorist khan ke mari thakibo koishey.