Saint-Marc, Haiti, 7 Oct 2024: Almost 6,300 manu ghor pra polai jaishey. Central Haiti te bunduk dhurina gang member khan hamal kurishey. Tadeh pra 70 manu ke murai dishey. U.N. migration agency pra koishey.
Polai ja manu khan pra 90% toh taikhan la alak ghor manu khan lok thaki ase aro alak 12% toh rugue te ase, school khan nishina te. International Organisation for Migration pra report kurishe last week.
Pont-Sonde la hamla toh Thursday morning te hoishe. Aro bishi manu rati te pra polai jaishey.
Gang members khan guli mari mari kina ghor te ahishey chor or julai dibo leh. Moi moila bacha ke loina polabo parishey. 60 year old Sonise Mirano pra Sunday te koishey. Tai b 100 plus manu lokot camp kuri thakishey taikhan la jaka la park te.
Prime Minister Garry Conille koishe Friday din te etu manu khan toh law la full takot janibo.
Taikhan ke arrest kuribo lageh aro jail te halibo lageh. Taikhan ki kurishe etu la dam dibo lageh aro victim khan ke b sabo lagibo. Enika koishey.
U.N.Human Rights Office of the Commissioner pra b koishey taikhan bishi shocked khaishey Thursday din la gang attack pra.
Haiti’ government khan elite police unit phataishey Pont-Sonde te etu attack hoina. Medical supplies khan b phataishey tadeh jaka aro hospital te madat kuriboleh .
Police khan tadeh kiman deri hoileh b thakibo taikhan safe nahwa tak. Conille koishey din b lageh nahoileh months b lubo.
Add Comment