Agartala, October 9, 2024: Wednesday din te Tripura Government para loudspeaker aru sound systems khan jor para bajabole mana kurishe Durga Puja time te. Etu mana kurea toh bishi awas bana laga pollution festive season te ula karne.
Director General Of Police (DGP) Amitabh Ranjan para koishe ki. Etu government laga kotha hunea nai kole bishi strict tarika lobo koishe. Alak alak jaga laga Police stations khan para.
Government para meeting banai she, State pura laga Durga Puja Committee aru Police Officers khan logote. Aru sob ke taikhan laga tarika chubole. Etu nutun tarika para etu celebration homoi toh sunsan para jabole nimete.
DGP para aru koishe ki, Taikhan laga asol aim toh. Awas khan bishi jor para nabajai kina ekta hisab para bajabole nimete. Aru thik thik time te bajabole bi koishe. Aru marcha bomb nishina khan bi ekta hisab para phutabi koishe. Taikhan etu tarika khan bhal para jabo nimete kotha bi kurea ase.
Add Comment