NEW DELHI, NOVEMBER 22 : Women aro Child Development Ministry (WCD) pora koa hisabte Shelter Home Rape chamala hua bejete ami kan desh te 539 Child Care Institutes (CCIs) kan baan huikena ase. Etubi August 2018 pora suru kurikena (Since August) edia dak majutte Sorkar kan pora baan kura te koi kena khobor te janaise.
Top WCD Official pora koa hisabte etu CCIs te thaka bacha kan ke tusera Cild Institutes kan te rakhibole karne luijabo. Etubi naam te nathaka (Unregistered) Child Institutes te. Etu karne etu nesena nahua Institutes pora ulta chamala anede. Etu pora tai kan Sorkar kan etu nahua Child Institutes kan toh baan kuride ase koi kena janaise.
Maharashtra State te 377 CCIs kan baan kuride kena thakise. Etu toh sob States aro Union Territories kan majutte sobse besi wala ase. Etu bejete Andhra Pradesh state te toh 78 CCIs kan baan kuride kena 2nd wala besi naam te ahe kena ase. Etu bejete Telangana State te 32 CCIs baan kuride kena 3rd wala besi baan kura naam te ahe kena ase koise.
Add Comment