October 13, 2024, 05:16 PM : DCCI para chinta thaka laga janaishey, regulate nakuri kena thaka tax impose kuria opor tey, DMC para, Business Community opor tey. DCCI para state govt. ke itu opor tey phat/ juldi para action loboley karney koishey, Town & Municipal Council laga against tey, kuntu toh hoiley Law laga purview tey operate kuri thaki kena asey. DCCI para point out kurishey ki, DMC toh hoiley tax khan & fee khan collect kuri asey, Business & Service khan opor tey, kuntu tey agey para GST thaki kena asey, itu koi kena ki ‘Double Taxation toh hoiley unjustified & illegal’ asey koi kena. DCCI para DMC ke accuse kuri asey, lakh lakh laga tax toh collect kuri asey koi kena, second hand kapra khan para & ₹1 hudai muhina collect kuri asey, dukan khan para & agency khan para, “Regulation Fee” koi koi kena. DMC para perishable saman khan opor tey rate fix kuri diya nai hoilebi misa misi para ene para tax impose kuri asey, DCCI para koishey. DMC kuntu toh hoiley responsible asey, rate fix kuriboley & price khan control kuriboley, tai khan toh hoiley itya toh hoiley syndicate laga system toh encourage kuri asey.
DMC Para Syndicate System Encourage Kuri Asey
Add Comment