Itu Agricultural Infrastructure Fund Opor Tey Workshop Loishey, Chumoukedima District Tey

October 14, 2024, 04:17 PM : Itu Agriculture Infrastructure Fund (AIF) opor tey, ekta workshop loishey, Angh House, Agri Expo tey para, Chumoukedimal aga, Nagaland tey, 14^th October, 2024 tey.

Itu programme tey, Agriculture & Farmers Welfare laga Ministry laga Joint Secretary – , Samuel Praveen Kumar para ekta keynote address deliver kurishey, itu Agriculture Infrastructure Fund (AIF) highlight kuri kena. Itu scheme laga transformative potential opor tey kotha kuri kena, Kumar para itu laga role emphasize kurishey, India laga agricultural infrastructure modernize kuriboley, production boost kuri kena, aru aru bhi bhal return secure kuri kena, farmer khan nimitey. Tai para itu scheme laga benefit khan underscore kurishey, itu 3% interest subvention pawa laga, loan khan opor tey, ₹2 Cr tak laga aru wapas pay kuriboley laga toh flexible term khan thaki kena aru logistic khan laga facility khan. 

Tai para koishey ki technology aru innovation khan toh hoiley farmer khan ke empower kuri asey, ekta sustainable future nimitey, kuntu toh hoiley agriculture ke transform kuri asey. 

Itu session laga homoi tey, itu AFI para itu fund laga attractive finance kuriboley laga option khan highlight kurishey aru strategy khan tailor kurishey, itu unique challenges khan address kuriboley, farmer khan para face kuria laga, itu North East tey. Local stakeholder khan, farmer khan aru government official khan bhi milai kena, tai khan laga optimism express kurishey, itu fund laga potential opor tey, agriculture transform kuriboley itu jaga tey.

NABARD  laga Deputy General Manager – O. P. Mounglang para itu opportunity khan aru challenges khan address kurishey itu scheme laga bhitor laga. Itu Agriculture Infrastructure Fund (AIF) scheme India tey toh hoiley itu agricultural sector toh boost kuriboley design kuria laga thakishey, infrastructure development finance kuri kena. Kiley maney itu scheme toh hoiley bishi potential bukhey, alag alag kisim laga challenge khan aru opportunity khan thakiboley asey, itu implement kuria homoi tey.

Agriculture Production Commissioner Nagaland, Wezope Kenye para welcome address deliver kurishey, Joint Secretary Agriculture Department, Limanenla para itu programme tey chair kurishey.

Itu workshop toh hoiley ekta inaugural session logotey shuru hoishey, kuntu tey toh Q & A session thakishey.