October 15, 2024, 06:04 PM : Government Middle School, Aradhura, Leirie Chazou, Kohima para 12th Battalion NDRF logotey collaborate kuri kena, ekta a School Safety Program conduct kurishey, Inspector, Vikhodi Rhetso, Team Commander NDRF, Thizama para lead kuri kena, 12th BN NDRF Itanagar laga, 15th October, 2024 tey.
Itu Head Teacher, Thejangulie Kirha para tai laga welcome address tey, tai laga gratitude express kurishey, itu NDRF Team ke, itu School Safety program organize kuria nimitey, aru state kurishey ki, khali student khan hey nahoi, hoilebi itu teacher khan bhi itu programme bishi benefit hoboley asey.
Team Commander, Vikhodi Rhetso para itu program laga purpose toh highlight kurishey, aru itu student khan ke urge kurishey, active para shikhiboley aru yaad tey rakhiboley, itu safety measure khan, kiley maney yaad rakhi kena thik homoi tey implement kurishey koiley kunba manu laga jaan bachaboley paribo.
Itu NDRF laga Team para activity khan demonstrate kurishey, Earthquake Safety Measure khan cover kuri kena, (ki kuriboley lagey nakuriboley lagey), Keneka CPR diboley lagey, FBAO, Bandage & Dressing, Khun khan rukhaboley, Kena jokhom para man uke hilabo/ uthabo lagey, itu Emergency khan laga homoi tey, itu khan dikhaishey.
Add Comment