October 16, 2024, 04:38 PM : Itu India Mobile Congress (IMC) 2024 laga homoi tey, kuntu toh hoiley Pragati Maidan, New Delhi para loishey, 15th October, 2024 tey, Nagaland laga ekta delegation, H. Sethrongkhyu Sangtam para chulai jaishey, kun toh hoiley Information Technology & Communication, Economics & Statistics, Evaluation laga Advisor asey, Nagaland laga Government laga, tai para key development khan present kurishey, connectivity expand kuriboley, itu state pura tey. Itu event toh hoiley itu Telecommunications (DoT), Government of India para organize kuria laga thakishey, Cellular Operators Association of India (COAI) logotey partner kuri kena, tatey 250 company khan aru 400 startup khan thaka laga dikhi paishey, ekta dangor telecom aru digital technology event khan majetey tey ekta banai kena, Asia tey.
H. Sethrongkhyu Sangtam para itu Nagaland’s 4G Saturation Project under tey progress hoa laga highlight kurishey, kuntu toh hoiley connectivity ani asey, itu state laga bishi remote jaga khan tey. Tai para tai-laga gratitude express kurishey, community ke bishi support kuria nimitey, kuntu toh hoiley instrumental thaki kena ahishey, itu state laga unique geographical challenges khan, rugged terrain khan aru limited infrastructure bhi milai kena.
Tai laga address tey, Snagtam para itu Government aru local community majetey collaboration thaka laga commend kurishey, kotey 277 bosti khan para tai khan laga mati toh free para dishey, itu telecom infrastructure install kuriboley.
Itu event laga homoi tey, Union Minister, Jyotiraditya M. Scindia, State laga Minister – Dr. Chandra Sekhar Pemmasani, GoI, Communication khan laga Ministry para Chief Ministers, IT Minister khan aru alag alag state khan laga official khan logotey, India pura para ahi ken aitu event tey attend kurishey.
Add Comment