IMPHAL, November 23, 2018: Thursday din Manipur Noney district Khoupum sub-division te ekta suspected National Socialist Council of Nagaland (Isak-Muivah) (NSCN-IM) cadre Zeliangrong United Front (ZUF) logote shoot out kura time te muraidishe.Etu hamlaa toh Khoupum police station laga bithor te thaka Taosang Aro Lubanglong village majhotte 11:20 am nishena te hoishe .Etu guli mara toh half and hour nishena hoishe .Etu te NSCN-IM laga cadre ekjun murishe .Police khan pora etu mura manu laga body paishe encounter site pora.Etu murijaa manu toh North Cachar Hills, Assam laga self-proclaimed corporal NSCN-IM Abam Zeme ase .November 18 laga saam te enika nishena firing aro ekta hoishe etu dui ta outfit khan majhotte Toudaijang village Khoupum area te etu te duita cadre NSCN-IM laga jhokom paikena thakishe.ZUF khan toh NSCN-IM khan laga breakaway group ase 2011 te ola toh Aro tai khan manipur laga Noney aro Tamenglong districts khan te bishi active ase .ZUF khan laga main objective Zeliangrong, khan nimete alag state mangi ase etu aha toh NSCN-IM khan India laga sorkar khan logotr peace talk kuri thakishe .Hoilebi etu duita group toh ladai kuri thakeh.
November 25, 2024
World's First and Only Nagamese Newspaper
Add Comment