October 18, 2024, 05:47 PM : Niuland tey ATMA & Rubber Board of India toh hoiley PC dhuri kena asey, Vihokhu Village tey, October 18th, 2024 tey. Nagaland toh hoiley bishi potential bukhi kena asey, Rubber Sector tey; 20k Metric Ton laga rubber toh hoiley hudai saal produce kuri thakey Nagaland tey, RBI laga director para koishey.
AIM para 20 hectares laga rubber plantation plant kuriboley asey, NE tey; itya tak toh 1.2 Hectare achieve kuri kena asey. RBI para 450- 480 Rubber gaas laga puli khan provide kuriboley asey, koishey, per hectare tey, identify kuri kena thaka interest thaka beneficiary khan ke.
1,100 Cr. invest kuri kena asey, 5 saal nimitey, NE Region tey, Inroad Project under tey. Inroad Project toh hoiley ‘ekta collaborative project asey ATMA & RBI’ laga. Inroad Project under tey, Nagaland nimitey 10,680 HA laga Rubber Plantation target kuri kena asey, kuntu tey 7,813 toh achieve kuri loishey.
India laga annual rubber demand toh hoiley 14.5 lakh tonnes asey, kotey toh hoiley 8.5 lakh ton khan toh hoiley India bhitor tey para produce kurey aru alag toh bahar tey para import kuri thakey.
Add Comment