London, 18 October: England aru Wales Cricket Board (ECB) ekta significant faisla announce kuri se ki transgender khiladi khan 2025 para elite-level mahila laga domestic cricket te participate kuribo na paribo.
Itu faisla hisab te, kunba khiladi male puberty cross kuri loise toh mahila laga cricket laga top two tiers te eligible nohoi jabo.
Latest regulations mahila laga competition The Hundred te apply kuribo, kintu transgender players ke domestic structure laga third tier te, juntu lower-level counties aru recreational cricket consist kuri ase, khelibo allowed ase.
Itu step International Cricket Council (ICC) laga November 2023 faisla ke repeat kuri ase, juntu transgender mahila juntu male puberty cross kuri loise, international mahila laga matches te compete kuribo disallow kuri dise.
Add Comment