Itanagar, 21 October : Arunachal Pradesh laga Khinsan Wangsu aru Margam Karbak, 40th National Senior Kyorugi aru 13th Poomsae Taekwondo Championship 2024-te, Rajiv Gandhi Indoor Stadium, Pondicherry te bhal performance dikhaishey.
Duita athlete, state te Taekwondo laga growing presence sabti, national level event te bronze medal jitishey. Itu event te deshor top talent khilari khan part luishey.
Khinsan Wangsu, senior under-30 female individual Poomsae category te, tai laga skill aru dedication dikhai ekta bronze medal jitishey.
Margam Karbak bhi Khinsan Wangsu laga performance match kuri, senior under-60 male individual Poomsae category te bronze medal pai le, aru tai laga experience aru skill dikhaili.
Taekwondo Federation of India laga support aru Ministry of Sports aru Youth Affairs laga cooperation under te, itu championship te deshor top athletes khan ektaikhon hoise.
Arunachal Taekwondo Association laga General Secretary, Likha Robin, dujon athlete laga success te dangor khushi aru garv dikhaishey aru koishi, “Khinsan aru Margam laga vijay hosa amikhan laga Taekwondo community te hard work, commitment, aru talent ase itu bojae.”
Add Comment