New Delhi, 22 October : Aryna Sabalenka pra Iga Swiatek ke surpass kuri kena latest WTA rankings te Monday din No. 1 spot te ulaise. Jaa haafta itu duita khiladi bhi khelianai, year-end adjustments karone, Sabalenka laga points Swiatek pora kom giri jaise.
Sabalenka laga total points 9,706 ase aru second-placed Swiatek laga points 9,665 ase, juntu te khali 41-point laga narrow lead ase. American Coco Gauff 5,963 points loi kena third position te ase, tar piche Jessica Pegula (5,785) aru Elena Rybakina (5,471) charta aru panchtha position te ase.
Jaa saal Sabalenka 8 haafta No. 1 position te thakise, kintu WTA Finals te Swiatek jitikena take over kuri dise. Belarusian khiladi Sabalenka hope kuri ase ki itu bar WTA rankings te olop lamba time No. 1 thakibo.
Cincinnati Open te jabole time te, Sabalenka No.3 rank te thakise, aru Swiatek 3,289 points agey thakise. Swiatek semifinals punchaise, kintu Sabalenka title jitikena 1,000 points collect kuri loishey.
US Open te duijun khiladi milikena khilia piche te Swiatek quarterfinals te punchaise, kintu Sabalenka wapas title jiti kena difference 2,169 points tak cut kuri dise.
China Open te Swiatek defending champion thakise, kintu tai Asian swing skip kuri coach change te focus kuri ase. Tai laga 1,000 points cut kuri dise, aru Sabalenka quarters te punchikena 215 points aru collect kuri lobo.
Wuhan title jiti, semifinals te No.4 Gauff aru final te No.7 Zheng Qinwen ke harai kena Sabalenka aru 1,000 points add kuri lobo, WTA stats hesapte.
Add Comment