October 23, 2024, 04:29 : Law & Justice (IC) MoS Parliamentary Affairs nimitey State laga Union Minister – Arjun Ram Meghwal para Tseminyu district tey visit kurishey, aru ekta meeting loishey, DC laga conference hall tey para, Tseminyu laga, 22nd October, 2024 tey.
Itu Union Minister – Arjun Ram Meghwal para tai laga interaction tey, alag alag organisation khan logotey, state kurishey, aru bhi bank khan lagi thaka laga aru itu citizen khan ke encourage kursihey, bank account khan khuliboley karney, transaction nimitey, central para sponsor kuri kena thaka scheme nimitey.
Tai para itu bhi state kurishey ki, farmer khan toh access paboley paribo aru due share kuriboley paribo, ki ki laga farmer khan laga regard khan karney, centrally sponsor thaka scheme karney. Tai para aru bhi agree hoishey, district court construction toh kuriboley Tseminyu tey aru amount sanction kuriboley karney, district hospital aru Tseminyu Town laga raasta khan laga. Itu meeting tey tai para itu representative khan ke cultural complex nimitey proposal pathaboley koishey.
Pichetey, Meghwal para K. Station village tey visit kurishey aru tatey laga bosti manu khan logotey visit kurishey. Itu Minister ke toh hoiley tai laga Law & Justice laga Advisor – Addl. PS, RK Mishra, Commissioner Secretary Law Justice – TN. Manen aru MLA & Chairman DPDB Tseminyu, Ar. Jwenga seb para accompany kurishey.
Add Comment