October 23, 2024, 05:27 PM : Itu Kohima laga Regional Transport Authority (RTA) para toh hoiley ekta meeting loishey, itu Deputy Commissioner laga office Conference Hall tey para, Kohima laga, 23rd October, 2024 tey. Itu meeting toh hoiley Deputy Commissioner, Kumar Ramnikant, IAS laga under tey preside kurishey. Itu meeting toh tey hoiley ekta dangor range laga transport aru traffic – related issue khan address kurisheyitu district ke impact kuri thaka laga, special attention khan di kena thaka laga, itu upcoming Hornbill Festival laga tyaari karney.
Itu District Planning & Development Board Kohima laga MLA & Chairman – Dr. Tseilhoutuo Rhutso para chinta thaka laga express kurishey itu traffic bishi hoi thaka laga Kohima tey, kuntu toh hoiley significant para hudai din laga activity khan ke dikh dari di asey aru aha jawa kuria homoi tey bishi bhak toh gari khan toh agey nabara hoi jai. Tai para ekta comprehensive study kuriboley lagi thaka laga emphasize kurishey, alternative raasta aru traffic management solution khan explore kuriboley, particular para itu Hornbill Festival laga homoi tey traffic aru bhi bishi thakiboley laga jani thaki kena.
Tai para stress kurishey ki, collective effort aru cooperation toh hoiley essential thakiboley asey, ekta lamba lasting solution paboley.
School transportation laga term khan tey, itu meeting para resolve kurishey ki, sob school bus khan, Kohima tey, yellow color para paint kuri kena thakiboley lagey gari toh, tatey emergency darwaza thaki kena, aru gari laga number laga saatt saatt driver laga bhi phone number tatey dikhai kena rakhiboley lagibo, safety standard khan enhance kuriboley karney.
Add Comment