New Delhi, 23 October : Harmanpreet Singh laga Indian hockey team tou olop bachina thakia pura koribole lagibo Paris Olympic Games pora, tai khan reigning World Cup champion Germany logot dui-match laga bilateral series khelibo iconic Major Dhyan Chand National Stadium te.
Germany para India ke Paris Olympics te semifinal match te haraise. Piche te, India Spain ke third-place match te haraikina bronze medal jiti loise, aru Germany Netherlands logot final te hari jaikina silver medal te atkai jaise.
India aru Germany laga match Wednesday din hobo, aru itu landmark moment hobo karone international hockey dui saal pora Delhi te wapas ahi ase. Major Dhyan Chand National Stadium te last international match January 2014 te Hockey World League final te khelise, aru itu event bihoo bishi special ase.
Indian mota laga hockey team laga chief coach Craig Fulton karone itu series bhal significance dhore. South African coach Fulton, 21 saal laga umar te 1995 Indira Gandhi Gold Cup te, etiya head coach banikina, ahibo stadium te, juntu stadium te tai laga international debut khelise. Itu khan tai laga career te ekta full-circle moment hobo.
Add Comment