Paris, 29 October : Bishi ulta situation majote, Spanish midfielder Rodri ke 2024 Men’s Ballon d’Or winner declare kuri dise, tai laga spectacular performance karoneh 2023-24 season te.
Rodri bishi important role khilishey tai laga club Manchester City ke English Premier League title lift kuri bole madad korishey, aru etu laga fourth consecutive saal hoise. Tai Spanish National Team ke bhi UEFA Euro 2024 te Germany te champion banabo majote bishi role play kurishey. July te final match te La Roja England ke 2-1 harai loise aru champion banise. Euros te midfielder laga performance top-level te thakibole karoneh tai ke ‘Player of the Tournament’ award bhi dise.
Etia 28 saal old defensive midfielder Rodri pura rock-solid thakise last season te, tai club aru desh duita karoneh defensive stability aru key passes di thakise. Total 14 assists aru 10 goals bhi score kuri dise 2023-24 season majote.
Dusra side te, Brazil aru Real Madrid laga star Vinicius Jr. laga reaction bhi ahi ase karoneh tai top award pora snub hoise. 24 saal old left-winger, juntu verdict pora clearly nathakise satisfied, X-teh ekta cryptic post kuri tai laga gussa express kuri dise.
Alag haat te, Barcelona Femeni laga khiladi Aitana Bonmati mahila laga Ballon d’Or dusra bar consecutive time jiti loise.
Add Comment