October 29, 2024, 07:48 PM : GPRN/NSCN (U) para strong condemnation express kurishey, tai khan para itu toh “N Kitovi Zhimomi para misa misi laga propaganda kuria laga asey” koi kena, “dangor dangor claim” khan kuri kena, ki senior rank laga Naga Army khan toh tai laga fold tey asey koi kena.
GPRN/NSCN (U) para tai khan laga MIP para claim kurishey ki, “duita major general khan, brigadier, aru colonel tai ke join kurishey aru itu toh eku hoa nai, ki ki laga circumstance khan under tey”, kiley koiley tai khan toh hoiley retire khan asey, active Naga Army service para, 2019 aru 2021 para. MIP para koishey kun kun laga id card khan toh hoiley cancel kuri di kena asey utu hey Kitovi logotey asey. Tai khan para itu bhi claim kurishey ki, sob alag senior rank khan, political aru military service toh GPRN/NSCN (U) logotey asey.
Aru bhi MIP para koishey itu allegation lagawa toh Kitovi para ki, ‘gen.’ Sanson Aye aru ‘maj. gen.’ Hotoi Aye toh itu April 21 laga coup ke plot kurishey koi kena, utu toh hoiley “unethical” asey, koishey.
Add Comment