October 30, 2024: Report isap deh ekta maike, rasta deh bika momo kini nah kah tho muri jai shae aro alak 15 jun utu eki jaka para kai nah bimar hui jai shae, police para kui shae. Alleged victims kan tho eki vendor para bana momos kan kai shae hoile b alak alak jaka para bikai taki shae. Jaka tho Banjara Hills police station pitor deh hui shae, jua hapta deh, news agency PTI para report kuri shae.
Muri jah maike laka nam tho Reshman Begum taki shae aro tai laka kandan manu para taila bacha kan b eki street vendor para momos tho kai shae kui shgae, Khariratabad deh. Etu hua piche deh,m taikan diarrhea, stomach pain aro vomit suffer kura shuru hui shae. Tai Sunday morning din deh muri jai shae aro taila bacha kan tho treatment pai ase itia. Reshma Vegum tho ekta single ama taki shae, NDTV para report kuri shae.
Ekta local, reporters kan lokot deh kotha kura time deh, maike tho momo kai nah ek kanta hua piche deh food poisoning laka symptoms kan dika shuru hui shae kui shae. Tai para maike tho 8:30 am phale muri jai shae kui shaa, Monday din deh.
Report para miake aro alak manu kan tho “Delhi Momos’ laka ekta food stall para momo tho kai shae kui shae. Stall tho set up kuri nah teen mohina hui shae aro etu stall tho choijun para set up kura ase. Taikan tho Bihar para aha ase. Police laka isap deh, stalls keh operate kura manu kan keh custody laka pitor deh ani nah ase.
Add Comment