Naidu para Andhra maike kan keh free LPG cylinders di shae

November 2, 2024: Andhra Pradesh chief minister N Chandrababu Naidu para Friday din deh,election agae deh taila government para bana promises kan tho sob fulfil kuri bo kui shae financial duk kan taki nah b. Tai para etu tho welfare schemes tho developmental programmes lokot deh balance kuri nah kuri bo kui shae.“Government tho finances kan bishi nata ka karne duk pai ase. Hoile b dukia manu keh support kuri bo karne mukan lokot deh will power ase. Mukan welfare schemes tho implement kuri bo,” Naidu para kui shae.Tai para Deepam-2 keh launch kura time deh ekta gathering keh address kuri taki shae. Etu scheme para poverty line nichae deh taka households kan keh hotai sal free LPG cylinders dibo karne ase, Srikakulam district laka Eedrupuram bosti deh.Chief Minsiter para ekta beneficiaries Ambati Santhamma laka ghor keh visit kuri shae. Tateh tai para taike ekta cooking gas cylinder di shae. Agae deh tai para LPG cylinders keh dura transport gari kan keh flag off kuri shae aro welfare schemes laka beneficiaries kan keh kotha kuri shae. Naidu para aro alak maike beneficiary Balijepalli Janaki laka ghor keh visit kuri shae aro taike Rs 4000 laka NTR Bharosa pension di shae.