Kohima Laga Raj Bhavan Para Foundation Day Observe Kurishey, Alag Alag State Khan Laga

November 03, 2024, 06:10 PM : Tamil Nadu, Kerala, Andhra Pradesh, Punjab, Haryana, Chhattisgarh, Karnataka, Madhya Pradesh, Lakshadweep, Chandigarh, Delhi, Andaman & Nicobar aru Pondicherry laga State foundation day observe kurishey, kuntu toh hoiley Kohima laga Raj Bahavan tey observe kurishey, Friday tey. Itu celebration programme tey kotha kuri kena, Nagaland laga governor – La Ganesan para koishey ki, itu foundation day celebrate kuria utu state khan karney toh hoiley ekta testament asey, itu diverse cultural beauty karney, itu country laga, itu “Ek Bharat Shrestha Bharat” program laga part hisap thaki kena, national integration nimitey, kuntu toh hoiley itu Prime Minister para 2015 tey para announce kuri di kena thakishey, itu Sardar Vallabhbhai Patel laga 140 birth anniversary laga occasion tey. Governor para koishey ki, Nagaland toh hoiley cultural para rich asey khali yatey laga diverse local population para he nahoi, hoilebi itu toh hoiley, yatey itu country para bishi manu khan thaki kena asey, eke logotey kaam kuri kena aru contribute kuri thaki kena asey, itu overall progress aru growth karney itu state laga. “Judi bhi apni khan sob durr durr tey asey, apni khan laga ghor tey para, moi khan apni laga state karney eke logotey celebrate kuri asey yatey Kohima laga Raj Bhavana tey, aji,” Tai para koishey. Governor para koishey ki sob state khan, diverse nation tey ekta unique piece contribute kurey, itu Indian culture laga mosaic karney.