Madhya Pradeh, 4 November 2024 : DUita 14 saal mota ke Madhya Pradeh te ulta hang kurishey, marishey aro morcha dunga te rakhi shey watch ekta chor kura karne.
Etu incident toh October 31 te hoishey aro Sunday din te jani paishey etu laka video viral hoi kina.
Mohgaon Police station in-charge Rupala Uike laka hisap pra, etu bacha mota khan local ghor te jaishey curd karne puila baki lo toh wapas dibo leh. Tadeh thaka time te, taikhan watch ekta uthaishey koishey.
Taikhan gali kurishey koina taikhan lukai kina watch wapas same jaka te rakhi dishey koishey. Hoileh b bosti pra duita manu, Nikhil Kalambe aro Surendra Bawankar dikhishey bacha khan watch toh wapas Rakha laga, enika hoina taikhan ke jobor jost tractor garage te loi jaishey. Tadeh taikhan etu chor laka hutishey enika kurina morcha laka dunga te duk dishey.
Bacah duita pra ghor manu ke kwa nai hoileh b accused, Surendra Bawankar pra video record kura toh whatsapp te viral hoina baba tak punchi jaishey. Shock hoina kina baba pra bacha ke hutishey ki hoishey aro sop koi dishey. Baba pra enika hoina bacha ke loishey police station te aro formal complaint lodge kurishey.
Police pra duijun Nikhil Kalambe aro Surendra Bawankar aro alak suspect case laka ke detained kuri dishey aro investigation kuri ase.
Add Comment