November 05, 2024, 03:40 PM : Itu Tokhü Emong celebration toh hoiley Wokha laga Local Ground tey para, DPDB laga Chairman aru MLA – Wokha, Y. Mhonbemo Humtsoe, NCS (Rtd) logotey, itu Tokhü Stalls 2024 khan inaugurate kuri kena, tatey tai special guest buhi kena, itu 4th November, 2024 tey.
Itu inaugural event tey, Y. Mhonbemo Humtsoe para itu Lotha Hoho ke acknowledge kurishey, tai khan laga heritage ke honour kuria nimitey, aru Tokhü Emong celebrate kuria nimitey, kuntu toh hoiley unity, peace, aru brotherhood symbolize kurey. Tai para attendee khan ke remind kurishey ki, itu Lotha community toh hoiley poila jamana para alag alag challenge khan overcome kuri kena ahishey, tai khan laga ancestor khan para alag alag field khan tey pioneer kuri kena ahi kena, social aru political area khan tey.
Itu event toh hoiley Joint Secretary, Lotha Hoho, Er. Limathung Odyuo para chair kurishey ari Pastor Wokha Town Baptist Church, Rev. Abemo Jungio para invocation laga prathana kurishey.
Itu laga main event 7th November tey toh hoiley, Parliament laga Member , Lok Sabha, Nagaland – S. Supongmeren Jamir para special guest thaki kena attend kuriboley asey.
Add Comment