Nagaland Tey TB Laga Bimar Dimapur Tey Sob Para Bishi Thaka Laga Record Kurishey, 48% Tey Thaki Kena, Longleng Tey, Komti Toh 1.14%

November 05, 2024, 05:55 PM : Tuberculosis ke redefine kurishey, Dr. Benchilo Ngullie logotey kotha kuria homoi tey. Dimapur tey TB laga rate toh hoiley 48 % logotey, sob para bishi wala asey, aru sob para komti toh hoiley Longleng tey 1.14 % asey. 

Hudai saal laga March 24^th tey world TB day observe kurey. Itu TB laga bimar toh hoiley Dr. Robert Koch para discover kurishey, Berlin para, Germany laga, 24^th March 1882 tey.

TB laga patient khan ke muhina muhina tey ₹500/- di thakey, NIKSHAY POSHAN YOJANA under tey. Osor laga state Assam laga patient khan bhi Dimapur district tey ahey, Tuberculosis office tey. 

National Tuberculosis Elimination toh hoiley TB bimar ke 2025 tak tey khotom kuriboley aim kuri asey. 

Dimapur, Chumu aru Niuland laga under tey Govt. Sector tey saatta (7) test kuria laga centre khan asey. Dr. Benchilo Ngullie para patient khan ke urge kurishey, free treatment khan avail kuriboley karney aru itu bimar ke stigmatise nakuriboley koishey.