Nagaland

State talent search examination 2024 laka results keh declare kuri di shae

November 7, 2024
4 Views

November 7, 2024: State talent Search Examination (STSE) 2024, kuto Science, technology, Engineering aro Mathematics (STEM) examination deh focused ase, etu karne results tho ekta dedicated program deh announced kuri shae. Etu program tho Mount Tabor Retreat Centre, Kohima deh lui shae. Program tho PARAKH NCERT, New Delhi para organize kuri shae, NBSE lokot deh collaborate kuri nah. 

Prof. G.T Thong, kun program deh special guest taki shae, tai para STSE tho NBSE laka jubilee celebration deh ekta dangor part kileh kui shae. “State Talent Search Examination tho Nagaland deh Stem education keh promote kuri bo karne sobse zaruri program ase pareh,” tai para kui shae.

Students keh encourage kuri nah, Prof. Thong para STEM education tho Science, Technology, Engineering aro Mathematics laka theoretical aro practical study cover kureh kui shae. “STEM tho ekta dynamic approach ase, kuto students kan keh passion aro discovery para engage kureh. Etu kuri nah taikan keh challenges kan face kuri bole deh aro solution bana bole deh,” tai para kui shae. Prof. Thong para STEM deh ekta kara foundation ase koile tho students keh aro hight education kita bole dibo kui shae.

State Talent Search Examination karne results kan tho etu kan ase – Kohima district para first position tho jiti shae. Kohima district deh Mezhur Higher Secondary, Kohim aro Mt. Hermon Higher Secondary School, Kohima taki shae.

Mon district para second position tho jiti shae. Mon district deh St. Mary High School, Mon, Christ King High School, Mon, Eklavya Model School Tizit aro St. John Higher Secondary School Mon taki shae. Mokokchung district kan para third position tho jiti shae. Mokokchung district deh Eden Academy Mokokchung, Town Higher Secondary School Mokokchung aro Queen Mary Higher Secondary School Mokokchung taki shae.

Agae deh, Asst. Academic Officer NBSE, Siduniu Rentta para program keh chair kuri shae. Sr. Diana Munis para Isor laka blessings keh invoke kuri shae. Chairperson, NBSE, Asano Sehose para welcome address tho deliver kuri shae. Assistant Secretary General PHD Chamber of Commerce and Industry, New Delhi Shalini S Sharma para short speech ekta di shae. Jt. Secretary NBSE, Ekyimo Shitire Para STEM tho ki ase, etu deh ekta speech di shae.