Damascus, 25 November: Sunday din state media aro ekta monitor pora kowah toh, Aleppo jaga deh 100 nesana Syrians khan sash lobole napari kena hospital de ase. Etu toh agae din phali rebel khan pora “toxic gas” hamla kora karni ase. Ekta rebel alliance pora etu hamla toh tai khan pora koranai koikena ase. Sunday din update kora deh, State news agency SANA pora 107 case sash pora dekthari pai kena ase koikena khobor janaise. Syrian Observatory for Human Rights, Britain-based monitor pora total 94 manu hospital deh thakise koise. Hoilebe besi jun toh hospital pora olaise aro 31 cases hospital deh thaga khan toh eman halat beya deh nai koikena janaise. Saturday rati northern city jaga deh “toxic gas” toh rebels khan pora hamla kora ase koikena state media pora bodhnaam kora deh, health official Ziad Hajj Taha pora etu toh “probable” chlorine hamla ase koikena janaise. Saturday deh, AFP photographer deh dekha toh moda, maike aro bacha khan logode Aleppo hospital pora sai (treated) thakise. Tai khan logode sash dekthari powah karni shaa thakise. Kunbah manu khan bohaa thakise, tusara khan homai kena oxygen masks pora sash lowah thakise. Aleppo city deh government pora control korikena ase. Hoilebe rebels aro jihadists toh city laga west phali ase.
Add Comment