PM nemide Ranil Wickremesinghe logode aroketyabe najunibo: Sri Lanka President

Colombo, 25 November: Sunday din President Maithripala Sirisena pora prime minister nemide aro ketyabe Ranil Wickremesinghe logode najunibo koikena janaise. Sri Lanka laga government ke ek-moina pora be dekthari powah toh sob Ranil Wickremesinghe karni ase koikana janaise. Parliament deh Wickremesinghe’s party toh ekta majority ase aro Sirisena’s pora desh laga purana sobse garamanu Mahinda Rajapakse logode PM nemide annibole kora toh fail hoise. Hoilebe foreign correspondents logode meeting thaga time deh, October 26 direk Wickremesinghe  pora Sri Lanka government helaideya toh “highly corrupt” ase koikena Sirisena pora bothnaam kora thakise. Wickremesinghe’s United National Party deh saijai kena, Sirisena pora kowah toh, “UNP deh majority thakise koilebe ami pora tai khan logode ami laga aage deh Ranil Wickremesinghe naannibole janaise, Ami pora tai logode prime minister bonabole naparibo.” Tai pora aro kowah toh, ami laga lifetime deh ketyabe naparibo. Sirisena pora PM nemide Wickremesinghe logode hataidekena Rajapakse laga naam thala thakise aro tai pora parliament be suspend kora thakise. Hoilebe Supreme Court aro legislators pora president’s moves toh block kora thakise. Prime minister’s residence deh kaabja korikena thaga Wickremesinghe aro premier’s official offices thaga Rajapakse pora be post pora namibo karni namana thakise.