UAE laga lamba din visas pora Economy deh motob

Dubai, 25 November: United Arab Emirates pora rich property investors, senior scientists aro entrepreneurs logode lamba din tak thakibole visas offer koribole ase. Etu pora desh laga economy aro real estate market deh tail daam namikena dekthari pai thaga ke motob pabole ase.  Etya tak duniya laga second sobse dangor economy Arab jaga deh foreigners khan thalibole laga visas toh olob sal karni he ase. May moina government pora visa laga policy bonabole ase koikena janaideya thakise. State news agency WAM pora khobor janaideya toh, Saturday din cabinet pora mana toh, five-year residency karni UAE real estate nai-nai koilebe 5 million dirhams ($1.4 million) karni manise. Etu toh ownership khan loans nathaga khan karni ase. 10-sal visas renewable nemide foreigners khan UAE logode investment toh nai-nai koilebe  10 million dirhams debo lagibo. Etu toh nai-nai koilebe total 60 percent non-real estate assets account karni ase. Investors khan maike aro bacha khan be desh deh annibole paribo. Tusara rules deh five-sal visas offer toh entrepreneurs karni aro 20-sal visa toh top qualifications scientists aro researchers nemideh ase. Outstanding students toh five sal karni thaibole paribo. September moina real estate market deh motob pabo karni UAE government pora retire manu $545,000 property thaga khan ke desh deh thakibole mana thakise.