TEHRAN, IRAN, 26 November: Iran laga institute of geophysics koishe sunday rati te 6.4-magnitude laga mati helishe. Etu toh Iran laga western province Kermanshah te hoishe.. Mati hela laga epicenter toh Sarpol-e Zahab para 17 kilometres southwest te hoishe. Kermanshah governor Houshang Bazvand para Fars news agency ke koishe etu mati hela para Sarpol-e Zahab aro samnay Gilan-e Gharb city te 115 manu jokom(injured) hoishe.. Geophysics institue koishe aage te mati hela pichote aro seven olop komjor para mati helishe. Iraq border te bhi mati hela khobor paishe. Juwa November bhi Kermanshah te 7.3-magnitude mati hela para 620 manu morishe, bishi toh Sarpol-e Zahab para ase. Etu mati hela para 12,000 manu jokom(injured) hoishe aro 30,000 ghor biya hoishe.Etu mati hela para bishi manu ghor nathaka hoishe. Local officials koishe jaga toh wapas banabole laga cost toh billion dollar lagibo. Etu laga samay toh Iran te economy toh bishi gerikena ase. August te bhi Iran laga western province te 6.0-magnitude mati helishe. Etu para 2 manu morishe aro 250 manu jokom(injured) hoishe. Iran toh two major tectonic plates opor te ase. Etu karne samay samay te Iran te mati heli thake. Desh laga sobse biya mati hela toh 1990 te thakishe. Northern Iran te 7.4-magnitude mati helishe. Etu karne 40,000 manu morishe aro 300,000 manu jokom hoishe. Etu mati hela te aadha million manu ghor nathaka hoishe, bishi town biya hoishe aro 2000 bosti khotom hoishe.
Add Comment