Agencies, 26 November: Etu China laga Great wall toh bishi pathor structure para banai kena ase. Etu toh Korean border para Gobi desert tak ase. National Geographic koishe etu wall toh thousand miles lamba ase aro kunba jaga te 2,000 years purana ase. 30 percent jenika wall toh geri jai ase. Wall laga kunba sobse biya sections punchibole Chinese authorities notun tool drones use koribole ase. BBC para juwa hafta videopublish te khobor korishe Drones para Chinese authorities ke wall ke map aro sections measure koribole modot kori ase. South China Morning Post te khobor korishe ke Intel’s Falcon 8+ drones toh high-definition three dimensional photos” Jiankou section laga capture koribole parishe. Etu toh 50 miles Beijing laga north te ase. Zhao Peng Great Wall laga architect BBC ke koishe etu kaam toh bhaba para bhi bishi complicated ase. Peng BBC ke koishe Great Wall laga kunba sections toh bishi khatarnak ase etu karne drones cholai kena ami khan wall laga kiman lamba aro motion toh kenika ase etu nap(measure) koribole pare.
April 26, 2026
World's First and Only Nagamese Newspaper
Add Comment