Northeast Delhi deh hua tuita firing incident deh ekjun muri jai shae

November 9, 2024: Saturday din, morning time deh teentha manu para northeast Delhi laka tuita jaka deh goli mari shae. Goli mara tho ekta mota keh murai di shae aro alak ekjun keh jokom kuri di shae, news agency PTI para report kuri shae.Police para first accused tho Welcome Kabir Nagar deh taka ekjun manu keh goli mari shae kui shae, 1 am phale. Accused para victim laa scooter keh lui shae aro Jyoti Nagar deh jai shae. Tateh jai nah ekta ghor deh goli mari shae.Incident laka report pah piche deh ekta police team kan phat scene deh jai shae. Team para teentha khali cartridges aro ekta motorcycle pai shae kui shae, rasta deh, First enquiry deh police para motorcycle tho accused ekta laka ase kui nah jani shae, kun ekta scooter lui nah utu jaka deh jai shae.First firing incident laka victim tho Nadeem aro Shahnawaz ase kui nah identify kuri shae. Taijun keh b osor taka hospital deh lui shae, hoile b doctors para Nadeem tho muri nah ase kui shae. Shahnawaz tho itia serious bullet jokom para recover kuri ase.