CPO Para 150 Saal Celebrate Kurishey, Itu Laga Formation Laga

November 10, 2024, 05:29 PM : Chakhroma Public Organisation para tai khan laga 150 saal laga formation  mark kurishey, itu organization laga, 9^th November, 2024 tey, Chumoukedima Local Ground tey. Itu occasion tey, Chief Minister – Neiphiu Rio para itu CPO laga Sesquicentennial Monolith khan inaugurate kurishey aru itu Souvenir toh release kurishey. Itu CPO para itu anniversary mark kurishey, ekta British official Alexandra Mackenzie para likha laga record hisap tey, 17 bosti khan laga, hoiley bhi aji tai khan logotey 44 establish thaka bosti khan asey itu state bhitor pura tey. Itu occasion tey kotha kuri kena, Rio para koishey ki, Chakhroma laga manu khan para koishey, kun khan toh hoiley agey para magnanimous thaki kena ahishey, sob tribe aru community khan khan ke allow kuri kena ahishey, itu State laga, tai khan laga area tey thakiboley karney aru eke logotey harmony para thakiboley, aru suggest kurishey ki, tai khan toh hoiley eneka hey continue generous thaki kena thakiboley asey aha din khan tey bhi. Tai para koishey ki, CPO toh hoiley sob para purana social organization khan hobo paribo, itu State tey, kuntu toh hoiley mention kuria laga pabo, itu British officer Captain Butler laga report khan tey, 1874 tey, Chakhroma Group hisap tey.