Telangana police officer ke dhurishey farmer lokot pra bride loi thaka, custody te loi jaishey

Telangana, Nizamabad, 10 November 2024: Telangana la Nizamabad district te ekta Sub-inspector ke custody te loi jaishey Anit-Corruption Bureau (ACB) khan pra, tai allegedly local farmer laka haat pra bride lwa nimite, officials khan pra janai dishey Saturday din te. Information laka hisap pra, Sub-Inspector (SI) Krishnakumar pra allegedly Rs. 50,000 laka bride demand kurishey ekta farmer nam Nagaraju lokot pra, Kotayya camp te, jakara kura laka connection te. Ekta manu Nagaraju lokot altercation lokot mili kina thaka pra police station te complaint file kuri kina hoishey, etu nimite SI pra tai lokot pra bride mangishey. First te toh Rs 50,000 mangi shey hoileh b Rs 20,000 te komti kuri dishey. Hoileh b Nagaraju Anti-Corruption Bureau (ACB) khan lokot jaishey aro tai khan laka madat loishey. Nagaraju laka complaint hisap te, ACB khan police nimite ekta trap halishey puisa exchange kura time te. Olop deri hoi kina, ACB DSP Shekhar Goud pra SI Krishnakumar ke suku pra dhurishey farmer lokot puisa lwa time te, enika hoina taike custody te loi jaishey.