Canada temple te Hindus khan ke hamla kura Khalistani protest laka organizer khan ke dhurishey

Canada, 10 November 2024: Canada te Khalistan referendum laka principal organizer khan ke dhurishey aro charged kurishey Greater Toronto Area (GTA) te Hindu Temple te violet hamla laka connection te, last Sunday. Saturday din release te, Peel Regional Police (PRF) khan pra announced kurishey ki 35 saal Inderjeet Gosal, Brampton laka manu ke arrest kurishey aro charged kurishey Friday din te hatiyar lokot assault nimite. Taike under conditions chari dishey aro Brampton te Ontario Court te ahibo olop din hoi kina, release pra koishey. Gosal ke November 8 te dhurishey, Hindu Sabha temple te demonstration kuri kina, tadeh Khalistani extremists khan Hindu-Canadian devotees khan ke hamla kurishey. Etu demonstration toh Gore Road te hoishey, enika hoina physical violence te hoi jaishey, manu kahn flags aro khuri khan hatiyar nishina chulabo shuru hoi jaishey. Police khan bishi offences khan investigate kuri ase, video te bishi dikhi paishey, aro sai ase footage khan alak suspects te chinibo nimite.