November 12, 2024, 03:48 PM : Itu Chumoukedima District Planning aru Development Board laga muhina laga meeting loishey, 11th November, 2024 tey, DC laga Conference Hall tey para, Chumoukedima laga.
Itu meeting initiate kuri kena, Advisor Urban Development & Municipal Affairs & Chairm DPDB, Chumoukedima – Zhaleo Rio para member khan ke aru CTC laga Chairman – Lhowito Khro ke welcome kurishey aru state kurishey ki, itu toh hoiley itu sob government servant khan laga duty asey, itu meeting tey regular para attend kuriboley karney, aru itu para bhi bishi wala interactive hoboley karney koishey.
Tai para inform kurishey ki, juldi hey sob department toh hoiley tai khan laga action plan aru kaam khan program khan toh kaam kuriboley lagibo, ahi thaka fiscal saal 2025-2026 nimitey.
Jawa muhina laga meeting laga olop homoi opor tey review loi thaka homoi tey, itu board para Shiheli Old Age Home, Ganeshnagar Village recommend kurishey, registration based tey, itu District Welfare Office, Chumoukedima para report diya hisap tey. Itu Two Wheeler Taxi Association laga registration nimitey itu board para ki ki kuriboley lagey itu khan opor tey kotha kurishey aru lagi thaka allocation nimitey highlight kurishey, taxi permit khan laga, specific para Chumoukedima district nimitey.
Alag proposed agenda khan toh hoiley society registration khan discuss kurishey, Nagaland United Sports Club laga, Razaphe Basa, Chumoukedima tey, itu board para toh hoiley registration nimitey recommend kuriboley decide kurishey, itu Government ke, Yeknak Society laga registration kuria homoi tey, Thilixu Village, Chumoukedima tey, kuntu toh hoiley, next DPDB meeting ke kotha kuriboley rakhi kena asey.
Itu house ke address kuri kena, itu Chumoukedima Town Council para Chairman para, Chate River laga preservation opor tey highlight kurishey, phat para action loboley lagi thaka nimitey, itu Chathe river kuntu toh hoiley bishi biya para letra hoi kena asey, mining, excavation, letra khan tatey pheka laga aru raasta khan kati kati thaka para.
Add Comment