November 13, 2024, 03:52 PM : Itu “Sign Language opor tey Certificate Course, special reference logotey, Nagaland Sign Language karney” itu laga inaugural program kurishey, 28th October, 2024 itu SCERT Conference Hall- 1 tey para. Itu program toh hoiley Sr. Lecture SCERT Kohima, Daniel Thong Seb para itu program chair kurishey, kotey tai para ekta khata introduction dishey, aru itu table toh hoiley set kuriboley, itu Module toh release kuriboley karney, SCERT, Kohima aru DBM, Dimapur – Christina Walling para; Principal, DBM, Dimapur; Kevirale-ü Kerhou, Director SCERT, Nagaland; Kerüüpfeü Rüpreo, Additional Director SCERT, Nagaland aru Daniel Thong Seb, Sr. Lecture SCERT, Nagaland para.
Director SCERT, Nagaland, Kevirale-ü Kerhou para tai laga inaugural speech tey itu international resource person khan – Christina Walling, Principal DBM (Trainer), Rebecca (USA) DBM-International Team (Trainer), Jaireen (Sikkim) DBM-International Team (Trainer), Amongla Walling, Admin aru co-founder DBM, Dimapur, tai khan ke welcome janaishey.
Kerhou para ekta warm welcome bhi extend kurishey itu trainee officer khan ke – NBSE, Samagrah Shiksha, SCERT, DIETs, Government Schools, Private Schools, aru NGO khan para.
Tai para aru bhi state kurishey ki, itu Deaf Biblical Ministry, Dimapur para toh hoiley bishi contribute kurishey, Sign Language tey. Bishi saal para tai khan toh hoiley SCERT logotey bhi kaam kurishey, alag alag workshop khan tey, hoilebi aji moi khan toh holey red-letter day hobo, kiley koiley tai khan logotey mili kena ekta module develop kurishey, aru itu toh hoiley itu training laga homoi tey use kuribo.
Itu certificate course, Sign Language tey, specific reference logotey, Nagaland Sign Language toh hoiley unique asey, aru itya toh itu toh hoiley ekta hey poila asey. Sob itu sign khan toh hoiley itu Deaf Community para DBM logotey contribute kurishey, lead role loi kena.
Add Comment