November 13, 2024, 06:06 PM : Itu Nagaland Literature Festival 2024, kuntu toh hoiley Writers Collective Kohima para organize kurishey, itu toh hoiley Kohima laga Capital Cultural Hall Complex tey para observe kurishey, itu ‘Amplifying Our Indigenous Voices’ laga theme under tey.
Ura Academy laga President & Nagaland laga Former Chief Minister – Dr. Shurhozelie Liezietsu, kun toh hoiley Special Guest thakishey, tai laga inaugural address tey, koishey ki, education toh hoiley moi khan laga manu khan logotey bishi diri para punchishey, kuntu toh hoiley first American Baptist Missionary, Rev. Clark para ana laga thakishey, 1872 tey aru itu first formal school toh hoiley tai laga maiki Mary Mead Clark para found kuria laga thakishey, 1878 tey, Education spread kuriboley, Naga manu khan thaka area khan tey, hoilebi moi khan manu khan laga journey, education attain kuriboley toh hoiley bishi slow thakishey, bishi alag alag reason khan para.
Itu theme “Amplifying Our Indigenous Voices” opor tey emphasize kuri kena, tai para itu sob manu khan ke moi khan laga awaz khan toh amplify kuriboley encourage kurishey, prose, poems, narratives, epic, dramatic khan nishina laga kitab khan likhi kena, kiley koiley Literature toh hoiley manu para express kuria laga ekta form asey, kuntu toh hoiley itu author laga intention ke reflect kurey aru itu para alag alag tarika explore kurey, alag alag Naga awaz khan promote kuriboley, itu para ekta platform provide kurey moi khan laga writer khan, pet khan, artist khan aru kahani koa manu khan ke, tai khan laga kaam khan aru experience khan, preservation aru Naga language aru story khan laga promotion karney.
Add Comment