November 14, 2024: Nagaland Urban Infrastructure Development project laka under te, Urban Development laka department, Government of Nagaland khan ek din capacity building programme manai shey Town Councillors khan nimite DC conference hall te, 14th November 2024 te.
Team leader, SMEC India Pvt, Ltd. Rajbir Das pra orientation event laka background di kina koishey ki etu programme kileh manai ase koileh toh Nutun member aro councillor elect kura khan ke lagibo leh laka knowledge aro skills khan dibo leh karne ase. Taikhan aro productive aro efficient hubo leh, etu pra taikhan ke municipal body laka governance ke bhal pra bujibo nimite. Tai aro dikhi paishey ki enika capacity building pra, representative elect kura khan bhal pra jani jabo tai khan laka kam aro responsibilities khan, municipal policy making, plaining, decision making, service delivery laka execution aro resource laka mobilization laka respect pra, roles aro functions bhal pra lubo leh.
Bimal Jha (Experts aro Economist) SMEC pra ULBs khan laka roles aro responsibilities te khota kurishey kunto wards, Urban planning aro budgeting laka basics, financial stability aro ULBs khan laka resource mobilization la related te. Empowered citizen nimite empowered ULBs laka importance te dwell kuri na kun urban centre te thake, tai maintained kurishey ki taikhan citizen nimite contact laka primary point serve kureh. Aro koishey utility service khan laka delivery ensure kuriboleh responsible ase. Waste management, sanitation, urban planning aro alak bishi kam nishina, kunto elected members khan pra kuri dibo lageh.
Add Comment